|
The Collogue anent Scots Spellin
|
Scots
Spellin Comatee an ithers |
- Innin
- The Scots Stylesheet (1948)
- Recommendations for Writers in Scots (1985)
- Pairts o verbs (David Purves, Lallans)
- A Scots Orthography (David Purves)
- Report o the Scots Spellin Comatee (1996-1998; Allan, Eagle,
Law, McClure, Tait)
- Summary o pertinent airticles in Lallans 56 & Lallans
57
- Scotscreive (George Philp)
- Scottish Language Dictionaries
- Sindrie editorial practice
|
|
|
Innin
|
John
Law |
Maugre a repute I hae for bein obsessed wi
spellin, I maun disavou it here. Houiver, I wis the cheil that wis
maistly responsible for caain thegither the Comatee that wrocht
the 1998 report, unner the auspices first o the Scots Language
Resource Centre, syne o the public meetin that set up the Comatee
itsel as a sel-staunin body, chairged ti discuss an report. Til
this day a wheen o ma ain editorial an spellin pratticks ar
foondit on thon Report, an gin oniebodie peinges aboot that, I
juist tell them that I am the ae Scots writer in Scotland that
iver peyed the laest heed til onie ither bodie's advice.
But this is ti lowp intil the story at the wrang end
aathegither, for the pynt o this innin is ti gie context til whit
haes been a succession o initiatives on the spellin o Scots owre
mair nor fifty year. Owre the neist wee whyle, as wab page
development time micht come ti haun, I will eik mair an mair o the
story, hauden back a bittie bi the fact that a wheen o the
electronic texts I haed ti haun at ae time wis etten bi an ootbrek
o the Klez virus.
|
|
