SCOTS LEID ASSOCIE

SCOTS LANGUAGE SOCIETY

 

AATHIN IN SCOTS - NAE FANTOOSH - NAE CAMSTEERIE

 

SO COME AWA IN AN LEARN AA THERE IS TAE KEN O

 

New Address.

 

61 Cliffburn Road,

Arbroath.

DD11 5BA

 

Visit oor new blog on www.scotsleid.org

 

 new CD on Scotsoun

 

SSCD 812 'Ravines'

 

the Poetry o David C Purdie

 

Davie is ae mony times winner o Sangschaw, an his poesy is o the heichtmaist Staunin. Sae tae his owersettins, aft times frae the Inglis, nae the easiest o leids tae trans-create intil Scots.

 

Ae recordin o Sheena Blackhall raedin her ain tale 'Minnie' is noo available.

Forbye twa CDs o Sheena Blackhall singin Bothy Ballads an raedin her ain poesy in Oot o the Kist. Nae tae be missed for Sheena is the maist kenspecklet an admired o oor preisent dey Makars.

Maist memmerships are noo due. Please ensure ye hae yer Bank Orders up tae date gin ye pey throu a UK Bank. We divnae hae the authority tae dae that for ye. Thanks.

Gin ye'r no a memmer jyne oor Associe noo an get yer copy o Lallans 92. 124 pages o the best o new Scots screivins. For mair anent jynin see FAQs or gae straucht ti the JYNIN page. Why no gie ae gift o ae year's memmershup tae the Scots Leid Associe? Pey by PayPal the dey an the maist recent eidition o Lallans will be posted oot neist week til thaim alang wi ae wee cairdie. Dae it HERE!

  Gawin Douglas' XIII Bukes of Eneados The batellis and the man I will descrive...

Walcom tae the online hame o the Scots Leid Associe which haes amang its objects tae forder an uphaud the Scots leid an tae gie a heize tae Scots leiterature an tradeitional music.

The Scots Leid Associe wis foondit in 1972 an aye ettles tae pit forrit a feckfu case for the Scots language in formal, informal and ilka day uiss. Scots wis aince the state language o Scotland an is aye a grace til oor national leiterature. It lies at the hert o Scotland's heirskep as ane o wir three indigenous leids alang wi Gaelic an Scottish Inglis.

The Associe furthsets the bi-annual journal Lallans, a 124-page magazine o the best nui screivin in Scots, thare is nae ither journal 100% in Scots (free til Associe memmers). See Lallans. Oor Annual Collogue haes been addressed by kenspeckle writers, actors, journalists, musicians, televeision presenters, scholars an ithers. We haud competeitions tae attract baith adults an bairns tae try thair haun at writin in Scots. Scotsoun CDs can be ordered throu this wabsteid. See Scotsoun.

The Associe is a cherity registrate in Scotland CR 10286.

JYNE THE SCOTS LEID ASSOCIE!

Gin ye want tae jyne or renew memmership o the Scots Language Society ye can pey in ane o twa weys. Tae pey bi cheque please mek it peyable tae THE SCOTS LANGUAGE SOCIETY and send it wi yer details tae The Scots Language Society, c/o George T Watt, 4 Ancrum Drive, Dundee. DD2 2JB Scotland

Gin ye'd raither pey wi Paypal please uise the link ablow. This is the canniest way tae jyne and easiest way tae pey. Nivver heard o Paypal? Dinna fash; ye've nae need o an account wi thaim yersel as Paypal tak maist credit an debit cairds.

Gin yer subscribin is a gift fur someone else, as well as yer ain details we'll need the intended recipient's details and, gin thay hae email, thair address fur thaim tae receive Eiks an Ens. If ye think we ha need o ony ither information please uise form on the CONTACTS PAGE.

 

The annual stent is EITHER

£20 fur ane individual bydin in the UK 

OR

£25
fur twa fowk jynin at ae UK address
or individuals bydin owerseas
or institutions sic as scuils an libraries
or corporate memmership
or ony ither ye can think up.
Please select correct amount ablow afore ye pay. At checkoot, gin the address ye hae wi Paypal is no whaur ye want Lallans postin let us know!

Scots Language Organisation Wabsteids

Dictionars, Grammar & Text Tocher

Ither Public or Cheritable Bodies

Wabster's Tagragery

FAQs

A. Memmership issues & benefits

1. Whit dae I get oot o jynin the Scots Language Society?

Ye get thon feelin a guid dram gies ye, o a warm glim gaun roun yer hert an warkin richt intil the wame o yer sowl an ye juist ken ye hae duin the richt thing an peyed the bit stent tae gie a heize til ane o the maist important things that maks Scotland Scotland. Ye get a vote at the Annual General Meetin o the associe tae elect yer representatives an tell them whit wey the siller maun be spent. Ye hae wan hunners o freins that mak up ane o the lairgest free commonties o creative fowk in Scotland. Ye get twa issues o Lallans magazine complimentary. Ye get regular wittins o new furthsettins, ploys an campaigns, an special offers til memmers on beuks an Scotsoun CDs. Aa for a price that winna wilt yer plastic.

2. Sae whit dis it cost tae jyne, an get ma twa issues o Lallans?

  • £20 for individuals bydin in the UK.
  • £25 for twa fowk jynin at ae address.
  • £25 for individuals bydin owerseas.
  • £20 for institutions sic as scuils an libraries.
  • £25 for corporate memmership.

3. Can I juist subscreive til Lallans an no fash jynin?

Ye can, but the cost is the same. We assume by defaut that libraries, schuils an the like isna jynin the Society, but that individuals are. You lat us ken whit ye want an we'll accommodate ye.

4. Daes Lallans magazine furthset wark in Inglis?

Forordnar, no. Dinna send unsolicitit wark in Inglis. We're delytit tae get unsolicitit wark in Scots, houiver. Email elkins is preferred.

B. The status & present condeition o the Scots leid

1. Is Scots a language?

Ay. It is recognised as a leid unner the European Chairter for Regional or MinorityLeids. European Charter for Regional or Minority Languages

It's gey sib til Inglis, aften spoken melled wi Inglis, maist aften weel eneuch unnerstuid bi speakers o Inglis, but Inglis it isna. Its lexicon fills mair not 22 muckle volumes o A Dictionary of the Older Scottish Tongue and the Scottish National Dictionary. See www.dsl.ac.uk.

2. Hou monie fowk speaks it the day, an is it deein oot?

Aabodie in Scotland onie lenth o time aye comes tae speak a wee bit Scots. Maist fowk unnerstaun mair nor thay're aesie able tae speak, an monie fowk are blate tae speak it. The state o research is gey puir, but a muckle study pitten on bi the General Register Office in 1996 suggestit thare wis aiblins 1.5 million speakers the day. Census data will be available for the first time in the new year.

3. Is thare a staundart wrutten form?

Scots tolerates a wheen o variations. Pairt o this is tae accommodate leivin by-leids, an pairt o it is disagreement anent the richt wey forrit til mair consistent pratticks. (See Lallans 56 & 57.) But thare is sic a thing as writin Scots ill-letterit - ye canna juist set doun whitiver ye like. Ye can yaise the Essential Scots Dictionary (Edinburgh University Press 2005) tae nerrae doon the chyce o spellins. Gin ye yaise the free Dictionar o the Scots Leid at www.dsl.ac.uk. try no tae yaise an obsolete or rare spellin gin there is a modren ane. That wey we micht get nearer tae a staunnart by consensus.

C. Is Scots aesie lairned?

Gin ye're in Scotland, an ye dinna hae claith lugs, ye canna help frae lairnin.  A guid innin tae North East Scots is the Luath Scots Language Learner: An Introduction to Contemporary Spoken Scots by L. Colin Wilson (Luath 2010). For pronunciation o modren urban dialects, try Scotspeak by Chris Robinson and Carol Ann Crawford (Luath 2011). Modren Scots Grammar: wirkin wi wirds by Chris Robinson (Luath 2012) is a sterter buik for grammar. For wabsteids see oor LINKS blaud.