 |
||||||||
 |
|
|
|
|||||
|
||||||||
|
|||||||||
|
|
|
 |
||||||
 |
|||||||||
|
Innin til the Scots Leid Associe The Scots Leid Associe wis foondit in 1972 an aye ettles ti pit forrit a feckfu case for the Scots language in leiterature, drama, the media, education an ilka day uiss. Sen Scots wis aince the state language o Scotland, an is aye a grace til oor national leiterature, it lies at the hert o Scotland's heirskep. The Associe threips on the view that Scots maun staun its ben as ane o three leids o the kintra, alang wi Gaelic an Inglis.Alang wi promotin the language an tyauvin ti persuade government, education authorities an the media ti pit in whit siller the language needs for its langer-term haelth, the Associe furthsets the bi-annual journal Lallans, nouadays a 144-page magazine for writin in Scots (free til Associe memmers) an a Scots wittins blad, Eiks an Ens. Oor Annual Collogue is an aa day event maist years, that haes been addressed bi nemlie writers, actors, journalists, muisicians, televeision presenters, scholars an ithers; we haud competeitions ti attract baith adults an bairns ti try thair haun at writin in Scots. The Associe is ane amang a faimily o Scots language organisations, that aa can gie guid advice on the language til theatre companies, schuils, performers an the like. Hae a leuk at oor airtins page for details. The Associe is a cherity registrate in Scotland CR 10286. Lallans magazine is furthset wi the help o the Scottish Arts Council
|
|||||||||
