AUDIO:

track 02: Freedom

Alas, that folk that eier wis free

and in freedom wont for to be

throu thair great mischance and folly

war treatit than sae wikkitly

that thair faes thair judges war.

Whit wretchitness may man have mair?

Ah, freedom is a noble thing! 
Freedom mais man to have liking; 
freedom aa solace to man gives, 
he lives at ease that freely lives. 
A noble heart may have nane ease, 
na ellis nocht that may him please, 
if freedom fail; for free liking 
is yearnit owre aa ither thing. 
Na he that aye haes livit free
may nocht knaw weel the property, 
the angir, na the wretchit doom 
that is couplit to foul thirldome. 
Bot if he haed assayit it, 
then aa perqueir he suld it wit; 
an suld think freedom mair to prize 
than aa the gold in warld that is. 
Thus contrar thingis evermair 
discoverins of the tither ar,

and he that thrall is haes nocht his.

Aa he that haes enbandonit is

til his lord whiteier he be.

Yit haes he nocht sae meikle free

as free liking to live or do

that at his heart him drawis to.

AUDIO

METHODS