Scotsoun index Scots Language Society

AUDIO:

TRACK sscd 138-2: T.S. Law

track 15: Glengorm

    
TEXT

Glengorm

Said James Forsyth

tae the cailleach anent

his braw new biggin ayont the glen,

“Noo, thare’s guid graith,

as lyke masel, and is it no, auld hen,

a hoose athooten faut?

Whit sall I caa’t?”  

 

Myndin the wy

the glen had been dichtit blue

wi reek as tho fae some weel-drawin flue,

ruid-lowein aye

as the thack o the Clearance biggins burned ootthru,

“Caa it ‘Glengorm’,” she said.  

Gormless, he did.  

 

The skellum never badd

intil his hoose, bi Heckie,

for as he gaed intil’t, a baukie

wheecht-oot for bode,

a feylik thing for onie gowkie.

Gode send us mair

guid baukies thare!

 

(reader: Andy Law)

 

AUDIO

METHODS

1. This will pley the backgrun recordin owre again, gin yer browser allous the method. Gin it disna, this will jouk til yer soun-peyer direct, but ye micht loss sicht o the text.

 

Best byde on ae pley-throu, gin ye can uise this method: 2.